Frjálsíþróttasamband Íslands stendur í dag fyrir Maraþonboðhlaupi á fjórum stöðum á landinu. Meðal annars verður hlaupið á Fljótsdalshéraði þar sem frjálsíþróttaráð UÍA sér um hlaupið. Markmiðið er að safna fé til styrktar ólympíuförum FRÍ.
Hið árlega Skógarskokk UMF Þristar fór fram í Hallormsstaðaskógi síðastliðinn föstudag, í blíðskapar veðri. Keppendur í 1.-4. bekk hlupu 1,5 km og keppendur á mið- og unglingastigum hlupu 3 km hring í gegnum skóginn. Þátttaka var góð enda gaman að hlaupa í skóginum á fallegum vordegi sem þessum.
UMF Neisti ásamt Djúpivogshrepp og fleiri dyggum stuðningaðilum standa fyrir Öxi 2012, sem er þríþrautarkeppni, verður haldin í fyrsta skipti í ár dagana 30. júní og 1. júlí á Djúpavogi. Þríþrautin sjálf fer fram laugardaginn 30. júní.
Keppni í bikarkeppni UÍA og Launafls í knattspyrnu hefst sunnudaginn 10. júní. Skráningarfrestur er til 6. júní.
Hestamannafélagið Blær heldur sína árlegu æskulýðsdaga á Kirkjubólseyrum dagana 8.-10. júní. Kennari verður Helga Rósa Pálsdóttir.
Næstkomandi laugardag munu sveitarfélögin Fjarðabyggð, Fljótsdalshérað og Seyðisfjarðarkaupstaður taka höndum saman og efna til samfélagsdags, með dyggum stuðningi frá Alcoa. Markmið dagsins er að virkja íbúa sveitarfélaganna til þátttöku í sjálfboðaliðaverkefnum. Um leið er vonast til að dagurinn geti orðið skemmtilegur og árangursríkur, skapað samstöðu og stemmningu meðal íbúanna og skilað öllum betra samfélagi. Fjölda mörg í þrótta- og ungmennafélög munu taka þátt í dagskrá dagsins, leggja sitt að mörkum við að fegra og bæta umhverfi sitt og kynna starfsemi sína.
Mótaröð UÍA og HEF í frjálsum íþróttum hefst á morgunn.
Fjögur mót eru í mótaröðinni en á þeim reynda keppendur með sér í all flestum greinum frjálsra íþrótta og safna stigum í gegnum alla mótaröðina. Sex stig eru veitt fyrir 1. sæti, 5 stig fyrir annað sæti og þannig koll af kolli. Þeir hlutskörpustu í hverjum flokki voru verðlaunaðir í lok sumars. Öll mótin fara fram á Vilhjálmsvelli og hefjast öll kl 17:00. Keppt er í flokkum stúlkna og pilta 11 ára, 12-13 ára, 14-15 ára og 16 ára og eldri.
Á ári hverju stendur Neisti fyrir spurningakeppni milli fyrirtækja í bænum og er keppni jafnan spennandi og skemmtileg. Úrslit í spurningakeppni Neista 2012 fóru fram miðvikudaginn 16. maí. Til úrslita kepptu Vísir hf., Djúpavogshreppur, Ferðaþjónustan Eyjólfsstöðum og Hótel Framtíð.
Þann 5. júní næstkomandi stendur Frjálsíþróttasamband Íslands fyrir svokölluðu Maraþonboðhlaupi. Um er að ræða fjáröflun fyrir ólympíuhóp FRÍ og verður hlaupið á fjórum stöðum á landinu, þar á meðal hér á Fljótsdalshéraði.
Skrifstofa UÍA er staðsett að Tjarnarási 6 á Egilsstöðum gegnt Flytjanda.
Almennur opnunartími skrifstofu er frá kl. 9:00-15:00 alla virka daga.
Framkvæmdastjóri er Gunnar Gunnarsson.
Netfang: uia@uia.is og sími 471-1353.
Kennitala UÍA er: 660269-4369.
