Sumarhátíð UÍA
Sumarhátíð UÍA á sér langa sögu en upphaf hennar má rekja til Eiða þar sem fyrsta hátíðin fór fram á fimmta áratugnum. Þar fór svo hátíðin fram árlega allt þar til árið 2002 að ákveðið var að flytja hana á Vilhjálmsvöll á Egilsstöðum. Stærstu keppnisgreinar hátíðarinnar eru sund og frjálsar íþróttir en hefð hefur myndast fyrir því að hafa dagskránna margbreytilega og keppt í fjölmörgum íþróttagreinum. Hátíðin fer yfirleitt fram aðra helgina í júlí ár hvert.
