Farandljósmyndasýningin ,,Ljúfar minningar frá liðnu sumri" farin á flakk
Í fyrra flökkuðu um gjörvallt Austurland þrír stafrænir myndarammar með myndum úr 70 ára starfi UÍA. Rammarnir heimsóttu alla þéttbýlisstaði á Austurlandi og glöddu þar gesti og gangandi.
Rammarnir víðförlu hafa nú lagt af stað í aðra hringferð um Austurland, að þessu sinni eru þeir stútfullir af myndum frá síðastliðnu sumri, sem var afar viðburðarríkt eins og allir vita.
Yfirskrift sýningarinnar nú er ,,Ljúfar minningar frá liðnu sumri" og má þar meðal annars sjá myndir úr Launaflsbikarnum, frá keppni og afmælisfögnuði á Sumarhátíð, svipmyndir úr farandþjálfun UÍA og Frjálsíþróttaskóla UMFÍ og síðast en ekki síst fjöldan allan af myndum frá Unglingalandsmótinu.
Miðvikudaginn 21. mars kl 20:00 verður Kajakfélagið KAJ með, kynningu á kajaksprotinu og starfi félagsins, á kvöldvöku í Kreml undir yfirskriftinni Kajakróður sem ferðamáti. Ari Benediktsson formaður KAJ hefur framsögn og sýnir myndir.
Ráðstefnan „Ungt fólk og lýðræði“ verður haldin dagana 29. – 31. mars á Hótel Hvolsvelli. Þema ráðstefnunnar að þessu sinni verður ungt fólk og fjölmiðlar. Ungmennafélag Íslands hefur ávallt lagt áherslu á lýðræðislega þátttöku ungs fólks og vandað hefur verið til dagskrár ráðstefnunnar. Þetta er í þriðja sinn sem þessi ráðstefna er haldinn en áður hefur hún verið á Akureyri og Laugum í Dalasýslu.
Körfuknattleikslið Hattar beið lægri hlut gegn Skallagrími í undanúrslitum í úrslitakeppni 1. deildar karla og hefur þar með lokið keppni í 1. deildinni á þessu tímabili.
Í tengslum við leik Hattar og Fjölnis sem fer fram í Fjarðabyggðahöllinn á morgunn kl 14:00 mun Kristinn Jakobsson FIFA dómari halda fræðslufund um dómgæslumál.
Blaklið Þróttar og körfuknattleikslið Hattar standa í ströngu um helgina. Blakliðið tekur þátt í úrslitum bikarkeppninnar en körfuknattleiksliðið mætir Skallagrími tvisvar í undanúrslitum 1. deildar karla.
Hörkuviðureignir voru í úrlsitakeppni Bikarkeppninnar í blaki um heligna. Þar barðist kvennalið Þróttar hetjulega, hafði sigur gegn Eik 3-0 á laugardeginum og hélt hnarreist í úrslitaviðureign gegn Aftureldingu í Laugardalshöllinni í gær. Þrátt fyrir góðan leik Þóttarstúlkna lagði reynslumikið og úthaldsgott lið Aftureldingar þær að velli 3-0.
Þann 3. mars síðastliðinn fór fram 3. og síðasta umferð í Meistaramótaröð Glímusambands Íslands. Lið UÍA hefur staðið sig vel að vanda í vetur og er nú í efsta sæti félagakeppninnar fyrir Íslandsglímuna. Hjörtur Elí Steinþórsson, Ásmundur Hálfdán Ásmundsson og Þuríður Lillý Sigurðardóttir sigrðu öll í sínum flokkum á mótinu. UÍA sigraði í stigakeppni kvenna á mótinu með 45 stig, varð í þriðja sæti í stigakeppni karla með 28,5 stig, í öðru sæti í stigakeppni í unglingaflokki með 34 stig og sigraði í heildarstigakeppni félaga með 107,5 stig.
Sunddeild Austra hélt þann 3. mars síðastliðinn Hennýjarmót, til minningar um Þorbjörgu Henný Eiríksdóttur sem fórst af slysförum fyrr í vetur, en Henný hefði orðið 18 ára þennan dag.
