Stjórn UÍA lýsir þungum áhyggjum af ferðakostnaði
Stjórn UÍA sendi frá sér eftirfarandi ályktun til fjölmiðla landsins og þingmanna Norðausturkjördæmis í dag:
Stjórn UÍA lýsir yfir þungum áhyggjum af fyrirhugaðri skerðingu framlags ríkisins í Ferðasjóð íþróttafélaganna. Samkvæmt frumvarpi að fjárlögum 2013 er gert ráð fyrir að framlagið minnki úr 64,7 milljónum í 52,7 eða um tólf milljónir króna.
Þegar sjóðnum var komið á fót vorið 2006 var framlag ríkisins ákveðið 180 milljónir til þriggja ára, 30 milljónir árið 2007, 60 milljónir árið 2008 og 90 milljónir árið 2009. Úthlutanir úr sjóðnum hafa alla jafna verið innan við 60 milljónir króna. Nú er gert ráð fyrir að framlagið verði stöðugt, 52,7 milljónir til ársins 2016.
UMF Þristur mun bjóða upp á dansdag í Hallormsstaðaskóla laugardaginn 24. nóvember. Þátttakendur fá þar kennslu í freestyle og samkvæmisdönsum. Dagskráin stendur frá kl 10-16 og er öllum opin, ungum sem gömlum.
Næstkomandi sunnudag fer fram hið árlega Bikarmót Austurlands í sundi í sundlauginni á Djúpavogi.
Keppendur UÍA í glímu gerðu afar góða ferð vestur í Búðardal um helgina, en þar tóku þeir þátt í 2. umferð Meistaramóts Íslands fyrir 16 ára og eldri, fimm gull og eitt silfur skiluðu sér austur að móti loknu.
Silfurleikum ÍR fóru fram í Laugardalshöllinni síðastliðinn laugardag. Mótið er haldið til að minnast afreka Vilhjálms Einarssonar sem vann til silfurverðlauna í þrístökki á Ólympíuleikunum í Melbourn í Ástralíu árið 1956 og hefur það notið vaxandi vinsælda. Heildarfjöldi keppenda sló nýtt met þegar 666 íþróttamenn frá 22 félögum mættu nú til leiks. UÍA átti þar þrjá keppendur á mótinu, fóru þeir mikinn og stóðu fylliega upp í hári keppinauta sinna, sem margir hverjir æfa við topp aðstæður allt árið um kring.
Næstkomandi laugardag fer fram annað vetrarhlaupið í vetrarhlaupasyrpu Hlaupahéranna á Egilsstöðum.
Fimleikadeild Hattar, Ungmenna- og íþróttasamband Austurlands og Menntaskólinn Egilsstöðum skrifuðu á laugardag undir samstarfssamning vegna afrekshóps fimleika á Austurlandi. Markmiðið með hópnum er að styðja við þá sem vilja ná lengra í íþróttinni en jafnframt búa lengur í heimabyggð.
Mikill áhugi er í Fellaskóla á borðtennis, svo mikill að sögun skólastjórans að krakkarnir mæta þar kortér í níu á morgnana til að byrja að spila. Haldið var upp á 80 ára afmæli Hugins í Fellum um síðustu helgi með borðtennismóti.
