Bikarmót Austurlands í sundi á sunnudag

Skrifað af Ritstjórn þann 22. nóvember 2012.

Næstkomandi sunnudag fer fram hið árlega Bikarmót Austurlands í sundi í sundlauginni á Djúpavogi.

Mótið er stigamót þar sem sunddeildir á Austurlandi berjast um titilinn Bikarmeistari Austurlands. Mótið er jafnan spennandi og mikil stemming á bakkanum, ætla má að það sama verði upp á teningnum nú en búist er við keppendum frá sex félögum, Austra, Hetti, Leikni, Neista, Sindra á Höfn og Þrótti. Neisti er ríkjandi bikarmeistari og þar á bæ er hugur í mönnum að verja tiltilinn, það er þó ljóst að fleiri langar að hampa bikarnum og búast má við harðri baráttu.

Mótið hefst kl 10:00 og eru áhorfendur velkomnir.

Í tengslum við mótið verða æfingabúðir fyrir úrvalshóp UÍA í sundi, en hópurinn mun hittast á laugardag og æfa undir stjórn Óskars Hjartarssonar yfirþjálfara hópsins.

Á myndinni hér til hliðar má sjá ríkjandi bikarmeistara í Neista fagna ásamt Spretti Sporlanga í lok Bikarmótsins í fyrra.