Sumarhátið 2012: Fimleikasýning GYS 87
Fimleikahópur eldri borgara frá Danmörku verður með sýningu í íþróttahúsinu á Egilsstöðum klukkan 16:15 á sunnudag. Von er á glæsilegri sýningu sem verður lokapunktur Sumarhátíðar UÍA.
Sumarhátíð 2012: Skákmót
Skákgreinin, hugans íþrótt og ævintýr, er nýr viðburður á dagskrá Sumarhátíðar. Keppt verður í flokkum 14 ára og yngri, 14-16 ára og 16 ára og eldri.
Sumarhátíð 2012: Knattspyrnumót
Knattspyrnumót Sumarhátíðar fer fram á efra svæðinu við Vilhjálmsvöll laugardaginn 7. júlí klukkan 13:00. Boðið verður upp á keppni í blönduðum liðum í sjötta, sjöunda og áttunda flokki.
Sumarhátíð 2012: Íþróttahátíð Spretts Sporlanga
Hreindýrið hjartastóra, Sprettur Sporlangi, stendur fyrir sinni eigin íþróttahátíð á Sumarhátíð UÍA 2012. Hátíðin verður á Vilhjálmsvelli klukkan 17:00 á laugardag. Þar verður keppt í nokkrum óhefðbundnum íþróttagreinum auk þess sem Sprettur býður gestum upp á tertu til að þakka frábærar viðtökur fyrsta ár hans sem lukkudýrs UÍA.
Sumarhátíð 2012: Sundmót
Sundmót Sumarhátíðar verður í sundlaug Egilsstaða að kvöldi föstudagsins 6. júlí og morgni laugardagsins 7. júlí.
Sumarhátíð 2012: Nettómótið í frjálsíþróttum
Nettómótið í frjálsíþróttum á Sumarhátíð verður á Vilhjálmsvelli 6. - 8. júlí 2012. Sextán ára og eldri keppa á föstudagskvöld, 11-16 ára laugardag og sunnudag og tíu ára og yngri á sunnudag.
Sumarhátíð 2012: Strandblak
Þriðja árið í röð verður keppt í strandblaki á Sumarhátið UÍA í Bjarnadal á Egilsstöðum. Keppt er í karla og kvennaflokkum í þremur aldursflokkum, 11-12 ára, 13-15 ára og 16 ára og eldri. Keppnin stendur frá 13:00-16:00 á sunnudag.
Samæfing í frjálsum
Samæfing í frjálsíþróttum verður haldin á Vilhjálmsvelli á Egilsstöðum klukkan 17:00 mánudaginn 2. júlí. Hildur Bergsdóttir, þjálfari UÍA, stýrir æfingunni ásamt gestaþjálfurum. Æfingin er opin öllum þeim sem áhuga hafa á frjálsum íþróttum. Lögð er áhersla á þær greinar sem keppt verður í á Sumarhátíðinni. Æfingin er þátttakendum að kostnaðarlausu.
Fjölskyldudagur og rathlaup í Sænautaseli á sunnudag
UÍA, Austurför og sveitarfélagið Fljótsdalshérað standa fyrir rathlaupi og fjölskyldudegi í Sænautaseli í Jökuldalsheiði á sunnudag. Enn er opið fyrir skráningar.
