Sambandsþing UÍA á Reyðarfirði á sunnudag
67. sambandsþing UÍA verður haldið á Reyðarfirði á sunnudag, 2. apríl og hefst það klukkan 10:30 en samkvæmt dagskrá er gert ráð fyrir þingslitum klukkan 17:30.
Aðstæður skoðaðar fyrir ungmennaskipti á Írlandi
Fulltrúar UÍA dvöldust í síðustu viku hjá YMCA samtökunum í Cork & Cobh á suðurströnd Írlands til að kanna aðstæður fyrir ungmennaskipti í byrjun sumars.
Live-FEED; Lærdómur og lífstíðarvinir
Fjögur austfirsk ungmenni tóku fyrir skemmstu þátt í Erasmus + ungmennaskiptaverkefninu Live-FEED, sem fram fór í Caserta á Ítalíu. Þar sem áhersla var lögð á matarmenningu ólíkra þjóða, og hvernig matur og matarmenning hefur áhrif á margt í umhverfi okkar og samfélagi.
Auk Íslands voru ungmenni frá Tékklandi, Rúmeníu, Grikklandi, Georgíu, Bosníu Hersegovínu, Ítalíu og Jórdaníu og áttum við saman 8 ógleymanlega daga í Caserta. Eins og gefur að skila var þetta ótrúlega fjölbreyttur hópur sem hver um sig lagði fram sína siði, tungumál, matarmenningu og uppskriftir í nokkurs konar alþjóðlegan hrærigraut en eitt af markmiðum verkefnisins var að gera alþjóðlega matreiðslubók. Löndin kynntu hvert fyrir sig heimaslóðir sínar og íslenski hópurinn vann hug og hjörtu félaga með Íslandskynningunni en þar var boðið upp á víkingaklapp, óð til lýsisins, hugvekju um ástarpunga, þróttmikil og þokkafull glímutök, söng og dans tileinkaðan plokkfiski, og fræðslu um skyr.
Lottóútgreiðslu lokið
Skrifstofa UÍA hefur lokið við að greiða út lottógreiðslur til aðildarfélaga UÍA fyrir síðasta ár. Að þessu sinni voru 15,6 milljónir greiddar til 19 félaga sem uppfylltu öll skilyrði til að fá skerf í greiðslunni.
Stefán Már Guðmundsson: Kveðja frá UÍA
Við minnumst Stefáns Más sem framtakssams hugsjónamanns sem var afar ánægjulegt að kynnast og vinna með. Hann var leiftrandi af eldmóði, höfuðið uppfullt af hugmyndum og fylgdi því eftir með að láta hendur standa fram úr ermum.
Góður árangur austfirsk frjálsíþróttafólks
Austfirsk frjálsíþróttafólk hefur staðið í ströngu að undanförnu enda innanhúss keppnistímabilið í fullum gangi. Nýyfirstaðin eru Stórmót ÍR og Meistaramót FRÍ 15-22 ára, árangur okkar fólks þar hefur vakið verðskuldaða athygli. Keppendur UÍA skipuðu sér þar í fremstu röð og mokuðu inn verðlaunum, þrátt fyrir að aðstaða til innanhúsæfinga hér eystra komist ekki í hálfkvisti við þær aðstæður sem flestir helstu keppinautar þeirra æfa við.
Áhugi á árangri Íslendinga í forvarnamálum
Fulltrúar UÍA svöruðu spurningum starfsmanna YMCA í Cork & Cobh á Írlandi um árangur Íslendinga í forvarnamálum á fundi í síðustu viku.
Ester Sigurásta komin til starfa
Ester Sigurásta Sigurðardóttir tók í gær formlega til starfa sem framkvæmdastjóri UÍA. Formleg skipti fóru fram með boðsundsskiptingu í sundlauginni á Egilsstöðum í gær enda Ester sundmaður mikill.
Skrifstofa UÍA lokuð fram í miðjan mánuð
Skrifstofa UÍA verður lokuð fram undir miðjan mánuð, þar sem Hildur Bergsdóttir fráfarandi framkvæmdastjóri er horfin til annarra starfa en Ester Sigurðardóttir nýráðinn framkvæmdastjóri tekur við keflinu um miðjan mars.
Við vonumst til að aðildarfélögin okkar og aðrir sýni þessu skilning, en tölvupóstur er vaktaður og svarað eftir föngum.
