SE Spark 2011
Laugardaginn 13. ágúst fagnar Samvirkjafélag Eiðaþinghár (SE) 85 ára afmæli sínu. Af því tilefni verður slegið upp knattspyrnumóti fyrir sjö manna lið á Eiðum.
Bærinn merktur fyrir Unglingalandsmót
Vaskur hópur manna undir stjórn Björns Hafþórs Guðmundssonar hefur undanfarna daga farið eins og stromsveipur um Egilsstaði og Fellabæ við að merkja keppnisstaði og önnur lykilsvæði Unglingalandsmótsins. Reynt er að tryggja að allir komist eins auðveldlega á áfangastað og kostur er. Meðal annars þarf að mismunandi aðkomu á nokkra staðina því Egilsstaðir eru jú krossgötur. Skiltin eru eign Ungmennafélags Íslands og fylgja mótunum á milli staða eins og fleiri hlutir.
Skreytingar á Fljótsdalshéraði
Við hvetjum alla til að skreyta bæinn til að kynda undir landsmótsstemmingunni. Bæjarbúar hafa löngum klætt bæinn í ýmsa liti fyrir héraðshátíðina Ormsteiti sem hefst eftir hálfan mánuð.
Fjölgar jafnt og þétt á tjaldsvæðinu í veðurblíðunni á Egilsstöðum
Umferð er að þyngjast eftir því sem liðið hefur á morguninn um Egilsstaði en þungi hennar er vegna Unglingalandsmóts UMFÍ sem haldið verður þar um helgina. Það fjölgar jafnt og þétt á tjaldstæðinu sem staðsett er rétt við flugvöllinn. Umferðin á svo eftir að þyngjast enn frekar eftir sem á daginn líður.
Risatjaldið komið upp
Risatjald Ungmennafélags Íslands er risið við sundlaugina á Egilsstöðum. Þar mun það standa fram yfir verslunarmannahelgi.
Byrjendanámskeið í mótorkrossi
Akstursíþróttafélagið START býður upp á byrjendanámskeið í mótorkrossi þriðjudaginn 26. júlí milli 20:00 og 22:00. Námskeiðið verður haldið í nýju brautinni í Mýnesgrúsum
Eldstæðið komið á sinn stað
Eldstæðið, þar sem landsmótseldurinn logar frá föstudagskvöldi fram að miðnætti á sunnudag, var komið á sinn stað á klettunum ofan við Vilhjálmsvöll á mánudagskvöld. Menn á vegum Þ.S. verktaka aðstoðuðu við verkið.
Mótaskrá Unglingalandsmóts 2011 tilbúin
Mótaskrá Unglingalandsmótsins, sem hefst á föstudag, er tilbúin. Þar er hægt að finna helstu upplýsingar um mótið, kort af mótssvæðinu, dagskrá og fleira. Mótaskrána má nálgast á .pdf formi hér en keppendur mótsins fá prentað eintak við komuna á mótið.
Landsmótssólin komin
Á Egilsstöðum er nú yfir 20°C hiti samkvæmt óopinberum hitamælum. Spáð er sunnanvindum, sól og sælu fram yfir Unglingalandsmót að mestu, nema von er á stöku skúr rétt til að væta gróðurinn.
