Spennandi sundhelgi framundan á Djúpavogi

Skrifað af Hildur Bergsdóttir þann 18. nóvember 2015.

Það er spennandi helgi framundan hjá sundfólki á Austurlandi og ljóst að sundlaugin á Djúpavogi um iða af lífi, en á laugardag stendur UMF Neisti fyrir æfingabúðum í sundi undir stjórn Inga Þórs Ágústssonar landsliðsþjálfara í sundi og á sunnudag fer fram Bikarmót UÍA í sundi. En þar munu Höttur, Austri, Neisti, Sindri og Þróttur berjast um tiltilinn Bikarmeistari Austurlands í sundi. Austri hampaði bikarnum í fyrra og stöðvaði þar áralanga sigurgöngu heimamanna í Neista. Nú verður spennandi að sjá hvert bikarinn ratar í ár.

Lesa meira

Ólafía Ósk með Íslandsmeistaratitil í sundi

Skrifað af Hildur Bergsdóttir þann 11. nóvember 2015.

Ólafía Ósk Svanbergsdóttir 12 ára  keppandi frá Þrótti Neskaupstað keppti á Íslandsmóti ÍF í sundi sem haldið var í Ásvallalaug í Hafnarfirði síðustu helgi. Þar sigraði Ólafía Ósk 50 m. skriðsundi í flokki S8 -S13 og var einnig  í þriðja sæti í 50 m. baksundi og í 50 m. bringusundi.

Lesa meira

Evrópa unga fólksins á Austurlandi

Skrifað af Hildur Bergsdóttir þann 27. október 2015.

Föstudaginn 13. nóvember ætlar Evrópa unga fólksins að standa fyrir námskeiði í gerð ungmennaskipta í samstarfi við Fljótsdalshérað. Námskeiðið verður frá klukkan 12:00 – 18:00 og verður haldið í Sláturhúsinu á Egilsstöðum.

Farið verður yfir helstu gæðaatriði sem mikilvægt er að hafa í huga við mótun ungmennaskipta ásamt því að það verður farið yfir umsóknarferlið í Erasmus+. Frábært tækifæri til að læra að sækja um styrki fyrir spennandi evrópskum verkefnum.

Lesa meira

Keppni hafin í Bólholtsbikarnum

Skrifað af Hildur Bergsdóttir þann 16. nóvember 2015.

Bólholtsbikarinn, utandeildarkeppni í körfubolta fer af stað í fimmta sinn í nú í vikunni. Fjögur lið eru skráð til leiks Fjarðabyggð, Unglingaflokkur Hattar, Sérdeildin og Egilsstaðanautin.

Eins og undanfarin ár verða leiknar 10 umferðir og keppninni lýkur á úrslitahátíð um miðjan mars.

Lesa meira

Styrkir til náms í lýðháskóla vorönn 2016

Skrifað af Hildur Bergsdóttir þann 02. nóvember 2015.

Ungmennafélag Íslands veitir ungu fólki sem hyggur á nám við Lýðháskóla í Danmörk styrk fyrir námsárið 2015-2016.

Lesa meira

Telma spilar með U17 í Svartfjallalandi

Skrifað af Hildur Bergsdóttir þann 21. október 2015.

Telma Ívarsdóttir knattspyrnukona úr Þrótti/KFF hefur verið valin í U 17 landsliðshóp, sem hefur leik í undankeppni EM 2016 í vikunni, í riðli sem er leikinn í Svartfjallalandi.

Auk Íslendinga og heimastúlkna eru Færeyingar og Finnar í riðlinum.  Leikdagar eru 22., 24. og 27. október og eru fyrstu mótherjarnir Svartfellingar.  Hægt verður að fylgjast með gangi mála í leikjunum á vef UEFA og hér á heimasíðu KSÍ má sjá leiktíma og fleira.

Lesa meira

Haustúthlutun úr Spretti Afrekssjóði UÍA og Alcoa

Skrifað af Hildur Bergsdóttir þann 12. nóvember 2015.

Nýverið fór fram í Franska spítalanum á Fáskrúðsfirði, afhending úr Spretti Afrekssjóði UÍA og Alcoa.

Sjóðurinn hefur verið starfræktur í núverandi mynd frá árinu 2009, veitt er úr sjóðunum tvisvar á ári að vori og hausti.

Sjóðurinn er gríðarleg lyftistöng fyrir íþróttalíf á svæðinu og hefur stutt við fjölda austfirsk íþróttafólks í gegnum árin.

Lesa meira

Skrifstofa UÍA lokuð 2.-8. nóvember

Skrifað af Hildur Bergsdóttir þann 30. október 2015.

Skrifstofa UÍA verður lokuð vikuna 2.-8. nóvember vegna ferðar framkvæmdastýru á íþrótta- og útivistarnámskeiðs á vegum EUF á Kýpur.

Tölvupósti verður svarað eftir föngum.

Ungir og efnilegir þingfulltrúar UÍA á sambandsþingi UMFÍ í Vík

Skrifað af Hildur Bergsdóttir þann 19. október 2015.

Sjö þingfulltrúar frá UÍA sátu á 49. Sambandsþingi UMFÍ á Vík í Mýrdal um helgina.

Ungur meðalaldur UÍA fulltrúa vakti nokkra athygli en hann var um 34 ár sem verður að teljast harla frísklegt á samkomu sem þessari. Má það einkum rekja til þess að þau Rebekka Karlsdóttir, Þórir Steinn Valgeirsson og Vigdís Diljá Óskarsdóttir, sem öll voru í hópi ungmenna sem héldu til Ungverjalands með UÍA á dögnum, slógust í hóp með eldri og reyndari þingfulltrúum þeim Bjarka Sigurðssyni, Lovísu Hreinsdóttur, Gunnari Gunnarssyni og Hildi Bergsdóttur.

Lesa meira