Elín Rán sæmd starfsmerki UMFÍ
Elín Rán Björnsdóttir, fyrrum formaður UÍA, var um helgina sæmd starfsmerki Ungmennafélags Ísland á þingi UÍA sem fram fór á Borgarfirði eystra.
Framlenging á umsóknarfresti vegna auglýsingar er til 23.mars nk.
Frá stjórn UÍA til upplýsingar vegna #metoo/#jöfnumleikinn
Frá stjórn UÍA til upplýsingar vegna #metoo/#jöfnumleikinn
Fyrir þremur vikum birtust frásagnir kvenna innan íslensku íþróttahreyfingarinnar af kynferðislegu ofbeldi. Frásagnirnar birtast undir yfirskriftinni #jöfnumleikinn og eru hluti af hinni alþjóðlegu #MeToo bylgju. Frásagnirnar eru sláandi og kalla á viðbrögð.
Skrifstofa UÍA hefur undanfarnar vikur framsent fræðsluefni frá UMFÍ og ÍSÍ sem tengist þessari umræðu. Eins vísum við á fagráð Æskulýðsvettvangsins, sem við eigum aðild að í gegnum UMFÍ. Þar eru hlutlausir sérfræðingar sem taka á málum sem upp kunna að koma.
Í tengslum við þessa umræðu hefur verið hvatt til þess að íþróttafélög setji sér siðareglur, hegðunarviðmið og komi upp áætlunum til að bregðast við og koma í veg fyrir hvers kyns ofbeldi innan sinna raða.
Menntamálaráðherra hefur skipað starfshóp með forsprökkum #jöfnumleikinn og fulltrúum UMFÍ og ÍSÍ. Starfshópurinn á að skila af sér í mars. Við höfum þær upplýsingar að frá hópnum sé von á tillögum að reglum, áætlunum og stefnum sem íþróttafélög geta tekið upp og eins vonandi stuðning við að gera það. Við bindum vonir við vinnu starfshópsins og að hægt verði að vera með samræmd og fagleg viðbrögð í kjölfarið.
Við hvetjum ykkur til að hafa samband ef ykkur vantar aðstoð eða nánari upplýsingar.
F.h. stjórnar UÍA
Gunnar Gunnarsson, formaður
Fyrirlestur um næringu barna og unglinga í íþróttum
Fimleikadeild Hattar býður upp á fyrirlestur með Elísabetu Reynisdóttir næringarfræðingi fimmtudaginn 12. apríl kl 17:30 í fyrirlestrasal ME. Fyrirlesturinn er öllum opinn sem hafa áhgua á næringu íþróttafólks.
Gunnar Gunnarsson nýr framkvæmdastjóri UÍA
Stjórn Ungmenna- og íþróttasambands Austurlands (UÍA) hefur gengið frá ráðningu Gunnars Gunnarssonar sem nýs framkvæmdastjóra sambandsins. Hann tekur við starfinu af Ester S. Sigurðardóttur sem er nýr rekstraraðili Löngubúðar á Djúpavogi.
Lífshlaupið 2018
Íþrótta- og Ólympíusamband Íslands minnir á að Lífshlaupið 2018 hefst 31. janúar.
Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlugserfiða hreyfingu í minnst 30 mínútur daglega. Skráðu þig til leiks www.lifshlaupid.is
Sambandsþing UÍA á Borgarfirði
68. Sambandsþing UÍA verður haldið í Fjarðarborg, Borgarfirði eystra laugardaginn 14. apríl. Samkvæmt dagskrá hefst það klukkan 11:00 og á að vera lokið 17:45.
UÍA óskar eftir sumarstarfsmanni í fullt starf.
Helstu verkefni: Umsjón með farandþjálfun. Undirbúningur og framkvæmd fjölbreyttra íþróttamóta og -viðburða. Starfsmaðurinn sem við erum að leita að þarf að: Hafa þekkingu og reynslu af þjálfun barna og unglinga. Íþróttafræðimenntun er kostur en ekki skilyrði. Vera góð fyrirmynd og get framvísað hreinu sakavottorði. Vera skipulagður og sjálfstæður í vinnubrögðum. Vera jákvæður og lipur í mannlegum samskiptum. Hafa brennandi áhuga á íþróttum. Hafa bílpróf. Sumarstarfsmaður starfar með framkvæmdastjóra og stjórn UÍA. Umsóknir skulu berast fyrir 15. mars n.k. á netfangið This email address is being protected from spambots. You need JavaScript enabled to view it. Nánari upplýsingar veitir skrifstofa UÍA, This email address is being protected from spambots. You need JavaScript enabled to view it., s: 4711353 / 8997600 eða Gunnar Gunnarsson formaður, 8481981
UÍA auglýsir eftir framkvæmdastjóra
Stjórn UÍA hefur ákveðið að auglýsa starf framkvæmdastjóra sambandsins eftir að Ester Sigurásta Sigurðardóttir óskaði eftir að láta af störfum í lok síðasta ár þar sem hún hverfur til annarra starfa með vorinu.
