Sambandsþing UÍA á Borgarfirði
68. Sambandsþing UÍA verður haldið í Fjarðarborg, Borgarfirði eystra laugardaginn 14. apríl. Samkvæmt dagskrá hefst það klukkan 11:00 og á að vera lokið 17:45.
Fyrra þingboð hefur þegar verið sent en á næstu dögum verða sendar út tillögur og nánari gögn fyrir þingið.
Fimm umræðuhópar munu starfa á þinginu. Rætt verður um samgöngumál, Landsmót UMFÍ, kynferðislega áreitni og ofbeldi í íþróttum og loks Sumarhátíð í tveimur hópum, annars vegar framtíðarsýn hátíðarinnar, hins vegar mönnun hennar með sjálfboðaliðum.
Dagskrá verður sem hér segir:
11:00 Þingsetning og skipan starfsmanna
a) Þingforseti b) Þingritari c) Kjörbréfanefnd formaður
11:20 Skýrsla stjórnar
11:45 Ársreikningur 2016 lagður fram
12:00 Umræður um skýrslu stjórnar, ársreikning
12:15 Ákvörðun um atkvæðisrétt mættra fulltrúa
12:30 Skýrsla stjórnar og ársreikningar bornir undir atkvæði
12:35 Hádegishlé
13:15 Veiting starfsmerkja UÍA
13:30 Ávörp gesta
14:30 Mál lögð fyrir þingið og umræðuhópar taka til starfa
16:30 Niðurstöður úr umræðum kynntar
17:00 Kosningar
17:15 Önnur mál
17:45 Þingslit
Nánari upplýsingar um þingið veitir skrifstofa UÍA.
