Glímt um Aðalsteinsbikarinn

Skrifað af Ritstjórn þann 02. janúar 2014.

Fjórðungsglíma Austurlands, keppnin um Aðalsteinsbikarinn, fór fram í Íþróttahúsinu á Reyðarfirði 27. desember 2013. Tuttugu og tveir keppendur kepptu í tveimur flokkum karla og þremur flokkum kvenna.

Mótið gekk vel fyrir sig og sjá mátti margar fjörugar glímur um hin veglegu verðlaun, Aðalsteinsbikarinn, sem gefinn er í minningu Aðalsteins Eiríkssonar glímukappa á Reyðarfirði. Eftir margar skemmtilegar glímur stóðu eftirtaldir uppi sem sigurvegarar og hömpuðu því Aðalsteinsbikarnum árið 2013.

Stelpur 10-12 ára – Nikólína Bóel Ólafsdóttir

Strákar 10- 12 ára – Leifur Páll Guðmundsson

Meyjar 13-15 ára – Bylgja Rún Ólafsdóttir

Piltar 13- 15 ára – Haraldur Eggert Ómarsson

Konur - Eva Dögg Jóhannsdóttir

Karlar – Ásmundur Hálfdán Ásmundsson