Gleðileg jól: Jólafrí hjá UÍA

Skrifað af Ritstjórn þann 17. desember 2013.

Starfsfólk UÍA, stjórn og Sprettur Sporlangi óska Austfirðingum og landsmönnum öllum gleðilegra jóla og farsældar á nýju ári. Skrifstofan er farin í frí og ekki verður viðvera þar fyrr en 6. janúar. Við vöktum þó póstinn okkar This email address is being protected from spambots. You need JavaScript enabled to view it..

Síðasta verk okkar fyrir jólafrí var að gefa út tímaritið Snæfell sem berst Austfirðingum í dag og á morgun. Í því kennir ýmissa grasa meðal annars viðtöl við Sigurð Haraldsson sem er margfaldur Íslands-, Norðurlanda-, Evrópu- og heimsmeistari í frjálsíþróttum og Þorbjörgu Ólöfu Jónsdóttur, íþróttamanns UÍA auk þess sem hlaupið er yfir helstu verkefni ársins.