Körfubolti: FSu lagði Hött
Höttur lék sinn fyrsta heimaleik í 1.deild körfuboltans sl. föstudag á móti FSu. Leikurinn var mjög spennandi og réðust úrslitin ekki fyrr en á lokasekúndu leiksins.
Í hálfleik var staðan 43-44 gestunum í vil. Hattarmenn komu öflugir inn í seinni hálfleikinn og leiddu leikinn 62-58 að loknum þriðja leikhluta. FSu komst yfir í lokinn og endaði leikurinn 85-87.
Í liði Hattar var Frisco Sandidge stigahæstur með 22 stig og 11 fráköst.
Liðið leikur sinn næsta leik gegn Fjölni þann 25. október.
