Launaflsbikarinn 2013: Mikil spenna fyrir síðustu umferðina
Mikil spenna ríkir fyrir síðustu umferð deildakeppni Launaflsbikarsins sem hefst í kvöld. Fjögur lið eiga möguleika á fjórða sæti deildarinnar sem gefur rétt til þátttöku í úrslitakeppninni eftir verslunarmannahelgi.
Þrjú lið hafa tryggt sér sæti í úrslitakeppninni: UMF Máni með 13 stig, Spyrnir með 12 stig og UMFB með 10 stig. Enn gætu þó orðið hreyfingar þeirra á milli en tvö efstu liðin leika á heimavelli í undanúrslitunum. Þannig mætast Spyrnir og UMFB á Fellavelli í kvöld í hreinum úrslitaleik um heimaleikjarétt.
Hin fjögur liðin eiga öll möguleika á úrslitakeppninni. Valur Reyðarfirði er sem stendur í fjórða sæti með sex stig. Liðið er hins vegar búið með sína leiki og með slakt markahlutfall.
Hrafnkell Freysgoði og ríkjandi meistarar BN eru í fimmta og sjötta sæti með fjögur stig. Lið Hrafnkels hefur þó töluvert betra markahlutfall. Hrafnkell á heimaleik gegn UMF Mána í síðustu umferðinni.
Í sjöunda sæti er Þristur sem tekur á móti BN í næstu viku. Þristur og Spyrnir leika bæði á Fellavelli og ekki tókst að koma leikjum beggja fyrir þar fyrir helgina. Þristur er með sex stig og gæti komist í úrslitakeppnina með að vinna BN með að minnsta kosti sex marka mun tapi Hrafnkell á sama tíma.
