Mínútu þögn til minningar um Ólaf

Skrifað af Ritstjórn þann 20. júní 2013.

Vegna fráfalls Ólafs Rafnssonar forseta ÍSÍ er óskað eftir því að íþróttafélög sem eru með starfsemi mánudaginn 24. júní stoppi leik klukkan 10:00 og hafi einnar mínútu þögn til að minnast Ólafs.

Ólafur, sem einnig var forseti Körfuknattleikssambands Evrópu, varð bráðkvaddur í gær fimmtíu ára að aldri. Hann var staddur í Sviss þar sem stjórn Körfuknattleikssambandsins fundar. Ólafur tók við sem forseti ÍSÍ af Ellerti B. Schram árið 2006.