Skráning í Frjálsíþróttaskóla UMFÍ hafin

Skrifað af Ritstjórn þann 03. maí 2013.

Skráning er hafin í Frjálsíþróttaskóla UMFÍ sem haldinn verður í sjötta sinn í sumar. Að þessu sinni verður skólinn á Egilsstöðum dagana 10. - 14. júní.

Frjálsíþróttaskólinn er ætlaður ungmennum á aldrinum 11 – 18 ára og stendur frá mánudegi til föstudags.

Aðaláhersla er lögð á kennslu í frjálsum íþróttum en að auki er farið í sund, leiki, óvissuferðir og haldnar kvöldvökur.

Þátttökugjaldið fyrir vikuna er 20.000 krónur og innifalið í því er kennsla, fæði og gisting. Skólastjóri skólans á Egilsstöðum verður Sandra María Ásgeirsdóttir.

Allar nánari upplýsingar og skráning fer fram á heimasíðu skólans.