Þróttur Íslandsmeistari í blaki

Skrifað af Ritstjórn þann 10. apríl 2013.

Þróttur Neskaupstað varð á laugardag Íslandsmeistari í blaki kvenna eftir 3-2 sigur á HK í æsilegum leik í Neskaupstað. Þróttur vann alla þrjá leikina í úrslitarimmunni gegn Kópavogsliðinu.

Þróttur vann fyrstu tvær hrinurnar 2-0 en tapaði næstu tveimur. Spennan var því mikil fyrir oddahrinuna þar sem Þróttarliðið tók sig saman í andlitinu og vann 15-8.

Liðið hafði áður hampað deildarmeistaratitlinum og vann alla leiki sína í vetur nema einn. Það tapaði bikarúrslitaleiknum gegn HK.

Fjöldi áhorfenda fyllti íþróttahúsið í Neskaupstað á laugardag og studdi stelpurnar til sigurs á heimavelli.

Umfjöllun og myndir úr leiknum.