Eva Dögg og Hjalti Þórarinn í þriðja sæti Íslandsglímunnar
Eva Dögg Jóhannsdóttir og Hjalti Þórarinn Ásmundsson urðu í þriðja sæti Íslandsglímunnar sem haldin var á Selfossi um síðustu helgi.
Eva Dögg lagði Margréti Rún Rúnarsdóttur úr Herði á Ísafirði í úrslitaglímu um bronsið í kvennaflokki en þar er keppt um Freyjumenið. Heimakonan Marín Laufey Davíðsdóttir vann það þriðja árið í röð.
Í karlaflokki var glímt um Grettisbeltið. Þar varð Hjalti Þórarinn Ásmundsson í þriðja sæti með átta vinnina. Pétur Eyþórsson, Ármanni, vann beltið í áttunda sinn.
Eva Dögg og Hjalti æfa bæði með glímudeild Vals á Reyðarfirði en keppa undir merkjum UÍA. Frá sambandinu tóku einnig þátt Ásmundur Hálfdán Ásmundsson, Magnús Karl Ásmundsson og Hjörtur Elí Steinþórsson.
