Tvö á palli á Íslandsmóti í taekwondoe

Skrifað af Ritstjórn þann 26. mars 2013.

Þuríður Nótt Björgvinsdóttir og Jóhann Beck Vilhjálmsson sem æfa með Hetti á Egilsstöðum komust bæði á verðlaunapall á Íslandsmóti í bardaga (sparring) sem haldið var fyrir skemmstu.

Jóhann keppti í C Cadet M <55 flokki og náði þar gullverðlaunum. Þuríður Nótt var í BC Cadet F <37 flokki og varð í öðru sæti.

Þuríður stefnir annars á Norðurlandamótið sem haldið verður í Finnlandi 24. maí og er að safna sér fyrir ferðinni. Auk ferðarinnar til þarf hún í æfingaferðir til Reykjavíkur fyrir stóra mótið.