Hrönn sigurvegari í kvennatölti Blæs
Heimakonan Hrönn Hilmarsdóttir hrósaði sigri í flokki vanra kvenna á kvennatölti Blæs sem haldið var í Dalahöllinni í þriðja sinn fyrir skemmstu.
Mótið er haldið til minningar um hestakonuna Halldóru Jónsdóttur. Fjölskylda hennar stendur fyir mótinu en Blær sá um framkvæmd þess í ár. Alls voru 19 hross skráð til keppni og 16 knapar. Úrslit voru sem hér segir.
Telpnaflokkur:
1. Elísabet Líf Theodórsdóttir
2. Guðrún Jóhannsdóttir
3. Sigríður Theodóra Sigurðardóttir
4. Arndís Lilja Geirsdóttir
Minna vanar konur:
1. Þórey Sigfúsdóttir
2. Anna Bergljót Sigurðardóttir
3. Sigrún Júlía Geirsdóttir
Vanar konur:
1. Hrönn Hilmarsdóttir
2. Dagrún Drótt Valgarðsdóttir
3. Erla Guðbjörg Leifsdóttir
4. Guðbjörg O. Friðjónsdóttir
5. Laufey Sigurðardóttir
Mótið tókst vel í alla staði og er síðasti viðburður í Dalahöllinni í bili. Ástæðan er að nú fer í hönd mikill framkvæmdatími þar sem gera á félagsaðstöðu og hesthús inni í höllinni.
