Þing UÍA í Neskaupstað 14. apríl
Þing UÍA verður haldið í Egilsbúð í Neskaupstað sunnudaginn 14. apríl klukkan 11:00. Þingið er æðsta vald í málefnum sambandsins.
Drög að dagskrá:
1. Setning og kosning starfsmanna
2. Skýrsla stjórnar
3. Skýrslur sérráða
4. Ársreikningur
5. Umræður um skýrslur og reikninga
6. Vísan mála í nefndir
7. Veiting viðurkennina, ávörp gesta, hádegismatur
8. Nefndarstarf
9. Afgreiðsla mála úr nefndum
10. Kosningar
11. Önnur mál
12. Þingslit.
Tillögur að breytingum á lögum UÍA skal skila til stjórnar eigi síðar en þremur vikum fyrir þing.
Sambandsþing UÍA er fulltrúaþing og hefur hvert aðildarfélag rétt til að senda atkvæðisbæra fulltrúa á þingið miðað við fjölda fullskattskyldra félaga samkvæmt félagatali síðastliðins starfsárs.
Stjórnarmenn og varastjórnarmenn í UÍA eiga sjálfkrafa atkvæðisrétt á sambandsþingi. Auk þess eiga seturétt á þinginu með málfrelsi og tillögurétt, fulltrúar í sérráðum UÍA, aðrir sem kjörnir eru í trúnaðarstöður hjá sambandinu og þeir aðrir sem stjórn UÍA býður til þings.
