Snjór um víða veröld dagskráin í Stafdal

Skrifað af Ritstjórn þann 15. janúar 2013.

Næstkomandi sunnudag halda skíðasvæði víðsvegar um heim upp á Snjór um víða veröld daginn. Markmið dagsins er að vekja athygli á skíðaíþróttinni og hvetja byrjendur sem og þrautreynt skíðafólk til að njóta alls þessa sem íþróttin hefur upp á að bjóða.

Í Stafdal verður boðið upp á eftirfarandi dagskrá:

Skíðasvæðið opið frá 10:00 til 16:00. Frítt fyrir alla grunnskólakrakka í lyfturnar.

10:00 til 12:00 Boðið upp á andlitsmálningu í skíðaskála.

Kl 11:00 til 12:00 og 13:00 til 14:00 brettakennsla fyrir byrjendur við byrjendalyftu.

Tónlist í fjallinu og brautir fyrir gesti skíðasvæðisins.

Sprettur sporlangi kemur í heimsókn.

Allir hvattir til að mæta og gera sér glaðan dag.