Fjölmennt Herumót í blaki

Skrifað af Ritstjórn þann 07. desember 2012.

Um 170 keppendur í 22 liðum víðsvegar að af Austurlandi tóku þátt í Herumótinu sem fram fór síðastliðinn laugardag í íþrótthúsinu á Egilsstöðum. Með þátttöku sinni styrktu keppendur Heru Ármannsdóttur blakara með meiru, sem nú glímir við alvarleg veiknindi. 

Auk þess sem safnaðist í þátttökugjöld bárust styrkir frá fjölmörgum blakdeildum og einstaklingum sem ekki sáu sér fært að mæta í sjálfa keppnina.

Blakdeild Hattar sá um framkvæmd mótsins og er afar ánægð með hvernig til tóks og vonast til að þetta litla framtak létti undir með Heru og fjölskyldu hennar.