Styrkjum úr Spretti formlega úthlutað
Síðastliðinn laugardag var úthlutað úr Spretti Afrekssjóði UÍA og Alcoa 950.000 krónum til efnilegra íþróttamanna, þjálfara og íþróttafélaga á Austurlandi. Úthlutað er úr sjóðunum tvisvar á ári að vori og hausti og var þetta seinni úthlutn ársins. Að þessu sinni bárust 28 umsóknir til sjóðsins og 18 þeirra hlutu styrk.
Gunnar Gunnarsson formaður UÍA og Gunnlaugur Aðalbjarnarson gjaldkeri UÍA afhentu styrkina með formlegum hætti að loknu fimleikamóti Hattar í íþróttahúsinu á Egilsstöðum. Styrkhafar fengu að auki Þórarinspening UÍA að gjöf, en peningurinn er kenndur við Þórarinn Sveinsson einn af stofnendum sambandsins. ,,Það er einkar ánægjulegt að geta stutt við efnilegt íþróttafólk og öflugt starf íþróttafélaga á Austurlandi með þessum hætti. Við erum Alcoa Fjarðaáli þakklát fyrir samstarfið og vitum að þessir styrkir munu nýtast vel” sagði Gunnar af þessu tilefni.
Afreksstyrkir:
Þrjár afreksstyrksumsóknir bárust að þessu sinni, allar frá konum og það voru því þrjár efnilegar íþróttakonur sem þá hlutu, þær:
Valdís Ellen Kristjánsdóttir fimleikakona úr Hetti
Eydís Elva Gunnarsdóttir blakkona úr Þrótti
Heiðdís Sigurjónsdóttir knattspyrnukona úr Hetti
Allar hljóta þær 100.000 kr til að sækja íþróttaviðburði og æfingar innanlands sem utan.
Iðkendastyrki hlutu:
Halla Helgadóttir frjálsíþrótta- og knattspyrnuiðkandi frá Hetti, 50.000 kr
Ólafur Tryggvi Þorsteinsson mótorcrossiðkandi frá START/Hetti, 50.000 kr
Nikólína Dís Kristjánsdóttir sundiðknadi frá Austra, 50.000 kr
Lilja Tekla Jóhannsdóttir skíðaiðkandi frá Þrótti, 50.000 kr
Ásbjörn Eðvaldsson skíðaiðkandi frá Austra 50.000 kr
Jens Albertsson knattspyrnuiðkandi frá Neista 25.000 kr
Þorvaldur Marteinn Jónsson skíðaiðkandi frá Þrótti 25.000 kr
Jensína Martha Ingvarsdóttir skíðaiðkandi frá Austra 25.000 kr
Írena Fönn Clemmensen skíðaiðkandi frá Þrótti 25.000 kr
Þjálfarastyrki hlutu:
Skíðafélagið í Stafdal vegna námskeiðs í verklegri skíðakennslu 50.000 kr
Ljubisa Radovavic knattspyrnudeild Hattar vegna þjálfaranámskeiðs KSÍ 50.000 kr
Guðbjörg Björnsdóttir sunddeild Hattar vegna dómararéttinda SSÍ 50.000 kr
Félagastyrkir
Golfklúbbur Norðfjarðar vegna þjáflaramenntunar og uppbyggingu unglingastarfs 50.000 kr
Frjálsíþróttadeild Hattar í samstarfi við aðrar frjálsíþróttadeildir á Austurlandi vegna æfingabúða 50.000 kr
Sunddeild Hattar vegna sundæfinga fyrir 6-7 ára 50.000 kr
Á myndinni hér til hliðar má sjá hluta styrkhafa ásamt Gunnlaugi Aðalbjarnarsyni gjaldkera UÍA, en ófærð og leiðindaveður öftruðu nokkrum styrkhöfum að komast á afhendinguna.
Myndataka var í höndum Gunnars Gunnarssonar.
