Blásið verður til leiks í Bólholtsbikarnum í næstu viku
Bólholtsbikarinn, utandeildarkeppni í körfubolta fer af stað í þriðja sinn í næstu viku. Sex lið eru skráð til leiks Austri, Ásinn, Lechendos (lið ME), Sérdeildin 1, Sérdeildin 2 og 10. flokkur Hattar.
Sem fyrr verða leiknar 10 umferðir og keppninni lýkur á úrslitahátíð um miðjan mars, þar sem fjögur stigahæstu liðin leika til úrslita.
Lið Sérdeildarinnar er ríkjandi meistari keppninnar en liðið sigraði í fyrra og hittifyrra. Nú verður spennandi að sjá hvort einhvert liðanna getur velgt þeim undir uggum.
Hægt verður að fylgjast með framvindu keppninnar á facebooksíðu keppninnar Bólholtsbikarinn.
