Stigameistarar krýndir á lokamóti HEF mótaraðarinnar
Stigahæstu einstaklingar sumarsins á mótaröð Hitaveitu Egilsstaða og Fella og frjálsíþróttaráðs UÍA fengu viðurkenningar sínar fyrir sumarið afhentar í gær að loknu fjórða og síðasta mótinu á Vilhjálmsvelli.
Í gærkvöldi var keppt í langstökki, sleggjukasti og 400 metra hlaupi auk þess sem boðið var upp á frjálsíþróttaflipp í lokin. Þorvaldur Hjarðar, stjórnarformaður HEF, afhenti verðlaunin en sigurvegararnir eru eftirtaldir.
Stúlkur 11 ára: Áslaug Munda Gunnlaugsdóttir, Hetti, 74 stig.
Piltar 11 ára: Elís Alexander Hrafnkelsson, Hetti, 36 stig.
Stúlkur 12-13 ára: Eyrún Gunnlaugsdóttir, Hetti, 70,5 stig.
Piltar 12-13 ára: Daði Þór Jóhannsson, Leikni, 34 stig.
Stúlkur 14-15 ára: Helga Jóna Svansdóttir, Hetti, 69 stig.
Piltar 14-15 ára: Atli Pálmar Snorrason, Hetti, 74 stig.
Konur: Sigríður Tinna Sveinbjörnsdóttir, Hetti, 53 stig.
Karlar: Daði Fannar Sverrisson, Hetti, 47 stig.
