Sumarhátíð 2012: Íþróttahátíð Spretts Sporlanga
Hreindýrið hjartastóra, Sprettur Sporlangi, stendur fyrir sinni eigin íþróttahátíð á Sumarhátíð UÍA 2012. Hátíðin verður á Vilhjálmsvelli klukkan 17:00 á laugardag. Þar verður keppt í nokkrum óhefðbundnum íþróttagreinum auk þess sem Sprettur býður gestum upp á tertu til að þakka frábærar viðtökur fyrsta ár hans sem lukkudýrs UÍA.
Bocciakeppni Sumarhátíðar verður hluti af íþróttahátíðinni en hún er öllum opin, líka klaufdýrum.
Keppt verður í starfshlaupi sem er stutt þrautabraut með fjölbreyttum úrlausnarefnum undir stjórn Sigurðar Aðalsteinssonar, starfsíþróttasérfræðings UÍA.
Stefán Bogi Sveinsson stýrir fáránleikum en þar verður keppt í þróttagreinum sem seint verða ólympíugreinar.
Taek-won-doe deild Hattar verður með sýningu á nokkrum brögðum, sýnir léttan bardaga og svo er aldrei að vita nema spýtur verði brotnar með óhefðbudnum hætti.
