Úrslit ráðin í Skólaþríþraut FRÍ

Úrslitakeppni Skólaþríþrautar FRÍ fór fram laugardaginn 5. maí síðastliðinn í Laugardalshöll. Keppt var í hástökki, 60 m hlaupi og kúluvarpi.

Mótið gekk vel en keppendur voru 73 talsins frá 19 skólum af landinu. Alls unnu 16 krakkar frá Austurlandi sér þátttökurétt í úrslitakeppninni, níu þeirra nýtu sér það og mættu til leiks.

Öll stóðu þau sig með sóma, Heiða Elísabet Gunnarsdóttir Nesskóla varð önnur í 60 m hlaupi og Daði Þór Jóhannsson varð þriðji í 60 m hlaupi.

Í keppni um stigahæsta skólann fór Lindaskóli mikinn og sigraði í flokki stelpna í 6. og 7. bekk og pilta í 7. bekk. Sunnulækjarskóli sigraði í flokki 6. bekkjar pilta.

Heildarúrslit keppninnar má sjá hér í mótaforriti FRÍ.