Úrslitahátíð Bólholtsbikarsins 6. maí
Í vetur hefur körfuboltaráð UÍA staðið yfir æsilegri utandeildarkeppni í körfubolta undir nafninu Bólholtsbikarinn og er það annað árið í röð sem keppnin er haldin. Sex lið, frá Austra, Ásnum/SE, Einherja, Samyrkjafélags Eiðaþinghár, Sérdeildarinnar, Neista og ME hafa att kappi og á sunnudaginn 6. maí verður sannkölluð Úrslitahátíð í íþróttahúsinu á Egilsstöðum, þar sem fjögur stigahæstu liðin berjast um sjálfan Bólholtsbikarinn.
Úrslitahátíð Bólholtsbikarsins í körfubolta fer fram á sunnudaginn í íþróttahúsinu á Egilsstöðum.
Þar eigast við fjögur stigahæstu lið keppninnar við; Einherji, Neisti, Sérdeildinn og ME.
Dagskrá hátíðarinnar er sem hér segir:
9.30-12.30 Undanúrslitaleikir 1 og 2.
13.30 Bronsviðureign.
15.00 Spurningakeppnin Skotið úr í loftið, undir styrkri stjórn Stefáns Boga Útsvarsjöfurs.
15.30 Úrslitaleikur.
17.00 Meistarar krýndir.
Frítt inn og allir velkomnir.
Lið Sérdeildarinnar sigraði keppnina í fyrra og ljóst er af leik þeirra í vetur að þá langar að hefja bikarinn góða aftur á loft á sunnudaginn. Það verður þó spennandi að sjá hvort svo fer, eða hvort tiltillinn rati annað.
