Óttar Ármannsson hlýtur starfsmerki UÍA
Aðalfundur Hattar fór fram síðastliðinn miðvikudag. Þar var Óttar Ármannsson sæmdur starfsmerki UÍA fyrir ötult sjálfboðaliðastarf sitt í þágu íþróttalífs í fjórðungnum.
Óttar hefur til margra ára starfað af krafti innan knattspyrnudeildar Hattar auk þess að leggja frjálsíþróttadeild félagsins og frjálsíþróttastarfi UÍA lið á árum áður.
Við óskum honum til hamingju með viðurkenninguna og þökkum góð störf.
Hér á myndinni má sjá Óttar ásamt Gunnlaugi Aðalbjarnarsyni stjórnarmanni í UÍA sem afhenti starfsmerkið.
