Krakkar frá SKÍS léku á alls oddi á Andrésarleikum

Skrifað af Ritstjórn þann 24. apríl 2012.

Skíðafélagið í Stafdal sendi 36 keppendur á Andrésarleikana og stóðu sig allir keppendur með stakri prýði en aldrei hafa jafn mörg verðlaun skilað sér til SKIS.

Mótið gekk vel og var skemmtilegt í alla staði. Veðrið var yndislegt alla dagana, mjög stillt, hóflega kalt og sólin lét sjá sig einstöku sinnum og voru aðstæður í Hlíðarfjalli með besta móti.

Keppendunum fylgdu fjölmörg systkini, foreldrar og aðrir forráðamenn og var meðal annars gaman að sjá þónokkurn hóp velunnara skíðafélagsins sem ekki eiga lengur keppendur á Andrés, en mæta samt.

Sérstaklega var gaman að sjá að keppendur skíðafélagsins skiluðu sér mjög vel niður brautirnar í keppnunum og var lítið um byltur. Keppendur SKIS hafa aldrei komið heim með fleiri verðlaun en í ár, því alls komu 14 verðlaun austur og þar af einn Andrésartitill og er það fyrsti Andrésartitillinn sem vinnst síðan skíðafélagið í Stafdal var stofnað.

Eftirfarandi keppendur komust á verðlaunapall:

Stjörnuflokkur                   María                    3. sæti

Stórsvig 14 ára drengir   Eiríkur Ingi           5. sæti

Svig 14 ára drengir           Eiríkur Ingi           4.sæti

Svig 12 ára drengir           Aron Steinn        6. sæti

Stórsvig 12 ára drengir   Aron Steinn        2. sæti

Stórsvig 12 ára drengir   Sigurður Orri      6. sæti 

Stórsvig 10 ára drengir   Hinrik Logi           6. sæti

Stórsvig 10 ára stúlkur    Embla Rán           2. sæti

Svig 10 ára stúlkur            Embla Rán           2. sæti

Stórsvig 9 ára stúlkur      Elísa Maren         4. sæti

Svig 9 ára stúlkur              Elísa Maren         5. sæti

Stórsvig 7 ára drengir      Daníel Freyr        5. sæti

Stórsvig 7 ára stúlkur      Rósey                    1. sæti

Stórsvig 7 ára stúlkur      Jóhanna Lilja      2. Sæti


Stjórn SKÍS þakkar öllum keppendum, þjálfurum, foreldrum og öðrum sem lögðu hönd á plóginn fyrir frábæra Andrésarleika.