Afturelding hampar Íslandsmeistaratitlinum í blaki eftir spennandi viðureign við Þrótt
Þróttur beið lægri hlut fyrir Aftureldingu í úrslitum um Íslandsmeistaratitilinn í blaki, í æsispennandi leik á Norðfirði um helgina.
Íþróttahúsið á Norðfirði var smekkfullt af áhorfendum sem studdu okkar stúlkur dyggilega.
Fyrsta hrina leiksins var jöfn og spennandi framan af, en í seinni hluta hennar sigu Þróttarstúlkur samfærandi framúr og sigruðu hrinuna 25-15. Afturelding beit frá sér í næstu hrinu og vann hana 25-15. Þriðja hrina var æsispennandi og jafnt á öllum tölum. Afturelding hafði þó sigur að lokum 27-25. Í fjórðu og síðustu hrinunni leit út fyrir að okkar stúlkur hefðu lagt árar í bát og Aftureldning komst í stöðuna 17-10. Þá tók Þróttur við sér og náði að minnka muninn í 20-17. Aftureldingu tókst þó betur til á lokasprettinum og hafði sigur 25-22 og þar með Íslandsmeistaratitilinn.
Mynd: Garðar Eðvaldsson.
