Þróttur sigursæll á Íslandmeistaramóti yngri flokka í blaki
Íslandsmót yngri flokka (2.-5. flokkur) í blaki fór fram í Kópavogi síðustu helgi. Þróttarkrakkar fjölmenntu á mótið og telfdu fram fjórtán liðum.
Þrír Íslandsmeistaratitlar skiluðu sér austur í 5. flokki kvenna og til A og B liða í 4. flokki kvenna.
Að auki hafnaði A lið Þróttar í 4. fl pilta í öðru sæti og A lið stúlkna í 3. fl. í þriðja sæti. Mótið var skemmtilegt í alla staði og allir okkar krakkar stóðu sig geysi vel og skemmtu sér prýðilega í ferðinni.
Óskum við blakdeild Þróttar innilega til hamingju með árangurinn.
Myndina tók Jón Guðmundsson.
