Blaklið Þróttar komið í úrslit

Skrifað af Ritstjórn þann 15. apríl 2012.

Kvennalið Þróttar í blaki er komið í úrslit í keppni um Íslandsmeistaratitilinn eftir að hafa unnið HK í tveimur viðureignum.
Síðastliðinn föstudag spiluðu okkar stúlkur við HK í Kópavogi þar sem liðið var hvatt vel áfram af tæplega 70 Þrótturum sem voru komnir í Kópavoginn á yngriflokkamót í blaki.
Leikurinn fór 1 - 3 fyrir Þrótti og var leikurinn æsispennandi frá upphafi til enda en hrinurnar fóru 26-28, 15-25, 25-19 og 26-28. Fyrsti leikur í keppninni um Íslandsmeistaratitilinn verður á höfuðborgarsvæðinu föstudaginn 20. apríl kl. 18:00. Ekki er komið á hreint hverjir mótherjar Þróttar verða þar sem oddaleik þarf í viðureign Aftureldingar og Þróttar R en sá leikur fer fram á þriðjudaginn kl. 19:30 að Varmá í Mosfellsbæ.