Höttur gerir það gott á Íslandsmóti í hópfimleikum

Skrifað af Ritstjórn þann 16. febrúar 2012.

Um síðustu helgi fór fram á Selfossi, Íslandsmót unglinga í hópfimleikum í 1.deildinni.
Íslandsmót unglinga er stærsta mót vetrarins og voru í keppni fimmtíu og tvö lið sem kepptu í mismunandi aldursflokkum.  Fimleikdeild Hattar fór þar mikinn og vann tvo Íslandsmeistaratitla í 5. flokki drengja 9-12 ára og  í 4. flokki drengir/blandað 12-14 ára. Alls átti Höttur fimmtuíu og fjóra keppendur (6 lið), þar á meðal voru tvö ung lið þar sem flestir keppendur voru að taka þátt í sínu fyrsta stóra móti.  Hattarliðin öll stóðu sig vel að vanda og sjaldan hafa verið eins margir áhorfendur frá Hetti í áhorfendastúku og þessa helgi.

Nánari úrslit af mótinu má sjá hér á vef Fimleikasambands Íslands.

Hér á myndunum má sjá lið Hattar sem unnu Íslandsmeistaratitla á mótinu.