Fjörug Fjórðungsglíma
Fjórðungsglíma Austurlands – keppnin um Aðalsteinsbikarinn fór fram í íþróttahúsinu á Reyðarfirði 27. desember 2011.
18 keppendur kepptu í þremur flokkum karla og þremur flokkum kvenna. Mikil og skemmtileg stemming var í íþróttahúsinu á Reyðarfirði en um 70 áhorfendur mættu til að fylgjast með mótinu. Mikið var klappað fyrir keppendum og þeir ákaft hvattir áfram.
Baráttan var mikil um hin veglegu verðlaun, Aðalsteinsbikarinn, en hann er gefinn í minningu Aðalsteins Eiríkssonar glímukappa og glímufrömuðar á Reyðarfirði. Eftir margar fjörugar og skemmtilegar glímur stóðu eftirtaldir uppi sem sigurvegarar og hömpuðu því Aðalsteinsbikarnum árið 2011
Stelpur 10-12 ára – Bryndís Steinþórsdóttir
Strákar 10- 12 ára – Sveinn Marinó Larsen Kristjánsson
Stúlkur 13-15 ára – Bylgja Rún Ólafsdóttir
Piltar 13- 15 ára – Haraldur Eggert Ómarsson
Konur - Þuríður Lillý Sigurðardóttir
Karlar – Sindri Freyr Jónsson
Nánari úrslit má finna hér inni á síðu Glímusambands Íslands,
Strax að móti loknu héldu keppendur, starfsmenn og áhorfendur í 75 ára afmælisfagnað ungmennafélagsins Vals Reyðarfirði. Þar var tilkynnt um val á íþróttamanni ársins hjá Val og var glímukappinn Ásmundur Hálfdan Ásmundsson var valinn Íþróttamaður Vals árið 2011.
