UMF Valur 75 ára
Ungmennafélagið Valur á Reyðarfirði varð 75 ára í vikunni og var haldið upp á daginn með kaffisamsæti í Grunnskóla Reyðarfjarðar.
Innan Vals er knattspyrnudeild, glímudeild og skíðadeild en auk þess er boðið upp á æfingar í handbolta, badminton og frjálsum íþróttum. Eitthundað og tíu börn og unglingar stunda íþróttar á vegum Vals í vetur.
Í kaffisamsætinu var tilkynnt um val á íþróttamanni ársins hjá Val en eftirtaldir íþróttamenn voru tilnefndir
Rakel Dís Björnsdóttir, knattspyrna
Birkir Einar Gunnlaugsson, knattspyrna
Ásmundur Hálfdán Ásmundsson, glíma
Þuríður Lillý Sigurðardóttir, glíma
Halldóra Birta Sigfúsdóttir, skíði
Mikael Þór Jóhannsson, skíði
Glímukappinn Ásmundur Hálfdan Ásmundsson var valinn Íþróttamaður Vals árið 2011, óskum við honum og öðrum Valsmönnum innilega til hamingju með áfangann.
