Æsispennandi leikur í Bólholtsbikarnum í gærkvöldi

Skrifað af Ritstjórn þann 03. nóvember 2011.

Fyrsti leikur Bólholtsbikarsins, utandeildarkeppni UÍA í körfuknattleik, fór fram í gærkvöld þegar Austri sótti Neista heim.

Austri bar sigur úr býtum 49 - 45 eftir að Neisti hafði haft yfirhöndina í stigaskori stóran hluta leiksins. Leikurinn var prúðmannlega leikinn þrátt fyrir að hart hafi verið barist á köflum. Áhorfendur skemmtu sér konunglega enda leikurinn afar jafn og spennandi.

Greinilegt að Bólholtsbikarinn fer vel af stað og ljóst að það verður líf í tuskunum í vetur. Hægt er að fylgjast með gangi mál á Facebooksíðu keppninnar, Bólholtsbikar auk þess sem fréttir munu birtarst, eftir föngum, hér á heimasíðunni.

Frétt og myndir frá leiknum má sjá hér á heimasíðu Djúpavogs.