Fimleikaveturinn fer vel af stað hjá Hetti.

Skrifað af Ritstjórn þann 03. nóvember 2011.

Fyrsta fimleikamót vetrarins fór fram á Akranesi um síðustu helgi. 36 keppendur frá Hetti sóttu mótið og stóðu sig frábærlega.

Keppt var í liðum og átti Höttur fjögur lið á mótinu, og höfnuðu þau öll í verðlaunasætum. Lið í fjórða flokki drengja 12-14 ára sigraði sinn flokk og stúlknalið í sama aldursflokki varð í þriðja sæti. Í opnum flokki 16 ára og eldri hafnaði lið Hattar í öðru sæti og það gerði drengjalið 12-14 ára einnig.

Hópurinn nýtti ferðina til hins ýtrasta og fékk að nýta fimleikahús Stjörnunnar í Garðabæ til æfinga síðasta dag ferðarinnar. Þar er aðstaða eins og best verður á kosið og fimleikafólkið okkar gat framkvæmt ný stökk og erfiðari æfingar en hægt er að gera á Egilsstöðum þar sem öryggisbúnaður er ekki fullnægjandi.

Óskum við fimleikafólki Hattar til hamingju með árangurinn og hlökkum til að fylgjast með þeim í vetur.