Tour de Ormurinn 2021
Um síðastliðna helgi fór fram hjólreiðakeppnin Tour de Ormurinn og tókst framkvæmd þess vel.
Rúmlega 50 keppendur tóku þátt í keppninni í ár í mjög fínu hjólaveðri. Boðið var upp á að hjóla 68 km, 103 km og í liðum eins og vanalega. Keppendur lögðu vægast sagt allt í sölurnar og gleðin var allsráðandi. M.a. var sett mótsmet í 68 km flokki karla.
Nýbreytni var í verðlaunaafhendingu en hún fór fram í Vök Baths í ár. Þar fengu keppendur súpu og brauð eftir keppni og veittur var afsláttur í böðin. Mættur var síðan Björn Ingimarsson, sveitarstjóri Múlaþings til að afhenda verðlaun. Veitt voru vegleg gjafabréf og bikar til sigurvegara í hverjum flokki og einnig voru útdráttarverðlaun.
Verðlaunahafar voru:
103 km kk: Hilmar Karlsson
103 km kvk: Rannveig Guicharnaud
68 km kk: Hörður Finnbogason
68 km kvk: Berglind Heiða Árnadóttir
68 km lið: Gamla Bandið
Öll nánari úrslit má finna með því að smella hér
Við viljum þakka keppendum kærlega fyrir þátttökuna ásamt öllum þeim sem hjálpuðu til við framkvæmd mótsins. Án okkar traustu styrktaraðila og sjálfboðaliða væri ekki hægt að halda mótið okkar. Þúsund þakkir fyrir ykkar framlag.
