Íbúafundur um Landsmót 50+
Íbúafundur um Landsmót UMFÍ 50 ára og eldri verður haldinn í Neskaupstað á fimmtudag, 9. maí, en mótið verður haldið þar 28. – 30. júní í sumar.
Á fundinum verður farið yfir dagskrá mótsins og það sem framundan er í undirbúningi þess.
Búið er að ákveða keppnisgreinar en þær eru: Boccia, frjálsar íþróttir, ringó, línudans, golf, bridds, skák, pílukast, frisbígolf, strandblak, sund, pönnukökubakstur, lomber, 5 og 8 km. garðahlaup, pútt og stígvélakast.
Nokkrar keppnisgreinar eru opnar fyrir þá sem eru yngri en 50 ára og eru allir hvattir til að vera með á skemmtilegu móti.
Það er mikið verk að halda svona mót og við sem að því stöndum þurfum á hjálp að halda í hin ýmsu verkefni. Það þarf að dæma leiki, taka tíma í sundi, mæla langstökk og vera til staðar í upplýsingamiðstöð svo eitthvað sé nefnt.
Íbúafundurinn verður haldinn í Nesskóla og hefst klukkan 17:45.
