Íslandsmót í fimleikum á Egilsstöðum um helgina

Skrifað af Gunnar Gunnarsson þann 17. maí 2018.

Íslandsmót unglinga í hópfimleikum í 3. – 5. flokki verður haldið á Egilsstöðum um helgina.

Til mótsins mæta öll bestu fimleikalið landsins í þessum flokki. Búist er við yfir 700 keppendum á þetta síðasta mót vetrarins. Höttur sendir sex lið til þátttöku.

Keppt verður laugardag og sunnudag og byrjar keppni klukkan níu báða dagana. Aðgangseyrir er 1.500 krónur fyrir 16 ára og eldri.