Skráning hafin á Unglingalandsmót 2017
Skráning á Unglingalandsmót 2017 sem haldið verður á Egilsstöðum er hafin.Mótið er fyrir 11-18 ára og hver keppandi greiðir einungis eitt þátttökugjald og hægt er að skrá sig í eins margar greinar og viðkomandi hefur áhuga á. Mótið hefst 3. ágúst með keppni í golfi og verður því slitið sunnudaginn 6. ágúst. Gert er ráð fyrir miklum fjölda á Egilsstöðum yfir mótshelgina, jafnvel allt upp i 10.000 manns.
Á Unglingalandsmótinu verður keppt í 23 greinum : Boccia, bogfimi, fimleikalíf, fjallahjólreiðar, frisbígolf, frjálsar íþróttir, glíma golf, götuhjólreiðar, hestaíþróttir, knattspyrna, kökuskreytingar, körfuknattleikur, motocross, ólympískar lyftingar, rathlaup, skák, stafsetning, strandblak, sund, UÍA þrekmót, upplestur og íþróttr fatlaðra.
Kvöldvökurnar verða á sínum stað og eru þær ekki á verri endanum í ár. Á meðal þeirra sem stíga á svið eru Úlfur Úlfur, Hildur, Aron Hannes, Emmsjé Gauti, hljómsveitarnar Amabadama og Mur Mur, Jón Jónsson og fleiri.
Einnig mun danski sýningarhópurinn sem sló í gegn í Denmark Got Talent mæta á svæðið og sýnir listir sínar. Hópurinn kemur hingað til landsins í boði fyrirtækisins Motus.
Skráning fer fram hér:
https://umfi.felog.is/
Nánari upplýsingar um mótið má finna hér:
http://www.umfi.is/unglingalandsmot-umfi
Ákveðið var á stjórnarfundi UÍA fyrr í vikuni að UÍA myndi greiða niður þátttökugjaldið um 2.000 kr. og þurfa því keppendur aðeins að greiða 5.000 kr. Einnig munu allir keppendur sem keppa fyrir UÍA fá bol merktan félaginu þegar þeir sækja mótsgögnin sín.
Við hvetjum alla til að skrá sig, það er margt í boði og allir ættu að geta fundið sér eitthvað. Einnig er Unglingalandsmótið frábær fjölskylduskemmtun og afþreyingardagskráin er glæsileg.
