Þrjú ný aðildarfélög
Þrjú ný aðildarfélög voru tekin inn í UÍA á þingi sambandsins á Reyðarfirði. Þau koma öll úr Fjarðabyggð.
Stjórn UÍA lagði fram til samþykktar aðild Körfuknattleiksfélags Fjarðabyggðar, Blakhópsins Vals og Blakfélags Fjarðabyggðar. Stjórnin hafði samþykkt aðild félaganna með fyrirvara um samþykktir laganefnda UMFÍ og ÍSÍ.
Fulltrúum félaganna var boðið til þingsins og þau boðin velkomin með blómvendi. Bjarki Ármann Oddsson mætti fyrir hönd Körfuknattleiksfélagsins og Þuríður Sigurjónsdóttir fyrir Blakhópinn.
Þar með eru skráð félög innan UÍA orðin 45 talsins.
