Myndir af Unglingalandsmóti SKÁK
Myndir af skákkeppni ULM eru nú komnar í myndasafnið hér á síðunni.
Keppni í skák fór fram í Egilsstaðaskóla sunnudaginn 31. júlí. Skákmaðurinn knái Sverri Gestsson sérgreinastjóri sá til þess að þeir 28 keppendur sem tóku þátt áttu góða og skemmtilega keppni við skákborðin.
Keppt var í tveimur aldurshópum 11-14 ára og 15-18 ára og nú í fyrsta sinn í tveimur flokkum þ.e. opnum flokki og aðalflokki. Opni flokkurinn var ætlaður minna reyndum keppendum og dugði þar dável að kunna bara mannganginn. Þar voru telfdar sjö umferðir og allar án skákklukkna.
Aðalflokkurinn var ætlaður reyndari skákkeppendum sem víluðu ekki fyrir sér að nýta skákklukkur og fylgja almennum skákreglum. Auðséð var á tilþrifum þeirra að þar kunnu menn ýmislegt fyrir sér í skáklistinni.
UÍA átti drjúgan hluta keppenda eða 11 í aðalflokki og 7 í opnum flokki. Okkar fólk stóð sig með prýði og hömpuðu fjórir Unglingalandsmótsmeistara titilum og sex fengu silfur- eða bronspeninga um hálsinn í lok keppnisdags. Þau María Elísabet Hjarðar og Daníel Fannar Einarsson sigrðuðu í opnum flokki, Emma Líf Jónsdóttir varð hlutskörpust í aðalflokki 15-18 ára stúlkna og Ásmundur Hrafn Magnússon í aðalflokki 15-18 ára drengja.
Heildarúrslit mótsins má sjá hér
Óskum við skákfólkinu okkar til hamingju með góðan árangur og glæsilega þátttöku.
