Frábær þátttaka í ljóðasamkeppni UÍA

Skrifað af Ritstjórn þann 11. maí 2011.

UÍA efndi nýverið til ljóðasamkeppni í tilefni af 70 ára afmæli sínu. Ung og upprennandi ljóðskáld á Austurlandi hafa keppst við skriftir og árangurinn ekki látið á sér standa. Ríflega 100 ljóð um allt milli himins og jarðar, bárustu frá grunnskólanemum í 5.-10. bekk víðsvegar að af Austurlandi.

Verðlaun verða fyrir þrjú bestu ljóð í eftirfarandi flokkum: 5.-6. bekkur, 7.-8. bekkur og 9.-10. bekkur. Verðlaunahafar fá bókagjöf frá Bjarti bókaforlagi. Verðlaun verða afhent á Sumarhátíð UÍA 8.-10. júlí í sumar.

UÍA þakkar frábærar viðtökur og óskar dómnefndinni í ljóðklúbbnum Hása kisa góðs gengis og skemmtunnar við yfirlestur ljóðanna.