Páskaeggjakeppnistímabilið í fullum gangi
Páskaegg eru hið mesta hnossgæti og því til mikils að vinna þegar þau eru á boðstólnum. Hin ýmsu íþróttafélög hafa nýtt sér páskaeggin sem verðlaunagripi á mótum og viðburðum að undanförnu og segja má því að nú sé yfirstandandi Páskaeggjakeppnistímabilið mikla.
Þess er skemmst að minnast að UÍA verðlaunaði stigahæstu frjálsíþróttakappa sína með páskaeggjum á Stigamóti UÍA sem fram fór á Djúpavogi 27. mars.
UMF Þristur hélt sitt árlega Páskaeggjaskákmót síðastliðinn þriðjudag en þar fliktust skákmenn og -konur af yngri kynslóðinni að taflborðunum og öttu kappi um páskaegg. Þátttaka var afar góð enda fengu allir lítið páskaegg að launum fyrir þátttökuna. Keppt var í flokkum 1.-4. bekkur, 5.-7. bekkur og 8.-10. bekkur.
Myndir af mótinu má sjá hér
Sunddeild Hattar efndi til Páskaeggjasundmóts síðastliðinn miðvikudag, þar sem syntar voru lengri skriðsundsgreinar í flokkum 8 ára og yngri, 9-10 ára, 11-12 ára, 13-14 ára og 15 ára og eldri. Allir þátttakendur fengu lítið páskaegg í viðurkenningaskyni fyrir þátttökuna en þrír hlutskörpustu í hverjum flokki fengu stærri egg.
Freyfaxi efndi í gær til páskaeggjaratleiks á hestum og mátti sjá einbeitta knapa og vel hvatta klára þeysast um í nágreni Stekkhólma.
UÍA óskar Austfirðingum og öðrum landsmönnum gleðilegra páska.
Myndin hér til hliðar er af þátttakendum í Páskaeggjasundmóti Hattar.
