Baráttan um Íslandsmeistaratitilinn heldur áfram
Annar leikur úrslitarimmunar um Íslandsmeistaratitilinn í blaki kvenna fór fram í Kópavogi í gærkvöldi. Þar lutu Þróttarstúlkur í lægra haldi fyrir HK 3:2.
HK sigraði fyrstu hrinu naumlega 25:20 en þá næstu af meira öryggi 25:12, okkar stelpur komu þá sterkar inn og sigrðuð þriðju hrinu 16:25 og þá fjórðu 13:25. Oddahrinan varð þó aldrei sérlega spennandi því hana sigraði HK 15:7.
Þróttur mætir því HK í hreinum úrslitaleik í Neskaupstað 16. apríl kl 14. Allir á völlinn og hvetjum okkar stelpur til sigurs.
Hér á vef Morgunblaðsins má sjá viðtal við Kristinu Apostolovu sem tekið var eftir leikinn.
