Tíu dagar eftir af skráningu á Unglingalandsmótið
Tíu dagar eru þar til skráningu keppenda á unglingalandsmótið lýkur. Keppendur UÍA njóta sérkjara á mótið.
Öll skráning fer fram á www.ulm.is. Mótsgjaldið er 6.000 krónur. Keppendur UÍA greiða aðeins 2.000 krónur og fá óvæntan glaðing frá sambandinu. Skráningargjaldið er ýmist hægt að greiða á netinu eða þegar keppnisgögn eru sótt.
Skráningarfrestur er til miðnættis sunnudaginn 24. júlí. Það eru því aðeins tíu dagar til stefnu.
Einstaklingar eru skráðir til þátttöku í mótið en menn geta tekið sig saman og myndað lið inni í skráningarkerfinu. Við hvetjum menn til að skrá lið sín undir nafni UÍA en bæta frekar við endingum til aðgreiningar (t.d. UÍA-Höttur, UÍA-Þróttur o.s.frv.)
Skrifstofa UÍA veitir allar nánari upplýsingar í síma 471-1353 eða á netfangið This email address is being protected from spambots. You need JavaScript enabled to view it..
